Tag14: Ihr letschtes SOLALA

Interview mit Kiara - Über ihres letze Solala us Teilnehmerin

D’Kiara findi ihkuschlet ihre blaue Decki vor. Si ligt uf 2 Sitze im Doppelstöckerbus u luegt e Dokumentation über Gfängnis uf ihrem Handy. Si gsehd scho chly müed us u oh z fride. I fragese obise schneu darf störäh, um ihre es paar Frage zsteue. Si seid ja u machd de Sitz nebe ihre frei. So hed das Interview si louf gno...

Kiara, was isch z absolute Highlight gsi i dem Lager?

- Es git nid ei spezielle Moment, z coole isch haud eifach z zäme si vo de Leiter u de Teilnehmer

Wie hesch de d’Leiter gfunde?

- Aui mega lieb, ussed ab und zue chlei streng wemer rede, aber das isch normau. Schüsch würde mer äuä nid ufhöre
Dises Jahr si viu jungi Leiter gsi

Was macht z’Solala zum Solala?

Leiter und Teilnähmer, die berüehmti SOLALA Stimmig. Es isch jedes Jahr anders, nie glich. Es isch eifach d’Solala Stimmig

Wer isch i all dene Jahr de besti Tanzpartner gsi?

Paco  (die Antwort isch gad wie de Blitz cho!)

Was wirsch de nie vergesse:

- Es Spiel: es faud mer keis ii.
- E Leiter: Aui, Alessa wiusi Gruppeleiterin isch, Paco, Mel, Greg  wiusi so richtigi Solala Lüd si
- Es Kompliment: faud mer keis ih

Wele Tag hed dir i dem Lager am beste gfalle und warum?

Abachussabe isch mega emotional gsi u der Tag der Kinder

Wie isches gsi seuber oh e Leiter zsi?

Mega cool gsi. Me weiss gar nid us Teilnehmer wieviu d’Leiter eigentlich no müesse mache nebem Programm. Sogar nam Esse gids immer no Höck u si hei mega wenig Freizit. Si müesse oh immer warte bis si chöi esse.

Was isch z Schwirigste gsi?

D’Lüt motiviere isch mega schwierig gsi.

Was isch eifacher gsi, was hed Spass gmachd?

Bim ne Poste si und zuezluege, wasi mache ohni seuber mitzmache.

Was wosch de umbedingt no mitteile?

Chömed auui oh is Solala, segeds eue Kollege, Verwandte, Fründe

Wie geids jetzt für di witer?

I ga es Jahr uf Amerika u ner machi de e Lehr us Drogistin

 

Ja, so hed das Interviw ner langsam gändet. Si hed mer ni chly vo dere Dokumentation verzeud, wosi luegd. Si hed no erwähnt, dass si immer is solala isch, scho sit der 3 Klass. Wius haud mega cool isch.